De Autor van ditt Book is in Zetel, Kreis Frieland, upwussen. Na't Abitur hett he twee Jahr Landwirtschaft lehrt un dann in Gießen, Göttingen un Kiel studeert. Dat weer ok en Studium in Ökologie, Achteran wurd he in den högeren Deenst bi de Landwirtschaftkammer Jever, Friedeburg un Oldenburg insett un hett denn naderhand in Ungarn, Mongolei un Argentinien deent. Sien Ribett weer Ökologie un wat Ökonomie in de Hasenweide, an de Bäk, dat Neetborger Holt un in n Tuun.

"Ökologie is de Wetenschup van den Hushold in de Natur." (Heckel, 1870)
Mit Hushold is meent, wo de Energie van de Sünn in us lebendig Werld kummt un van de grönen Planten umsett ward in Sucker, Holt, Fett, Eiwitt un all dat, wor wi un all dat anner, wat leven deit, van teert.